Скопски дилер падна во раце на полицијата

Добивај вести на Viber

Секторот за внатрешни работи Скопје со кривична пријава до надлежното Основно јавно обвинителство – Скопје го предаде лицето Н.Ш. (39), од Скопје поради постоење на основи на сомнение дека сторил кривичното дело - “неовластено производство и пуштање во промет наркотични дроги, психотропни супстанции и прекурзори“.

Имено, на 17.10, по претходно добиена судска наредба, извршен е претрес на дом и други простории кај пријавениот Н.Ш. и при претресот пронајдени и одземени се алуминиумска фолија со растителна материја, две поголеми и две помали паковки, како и една најлонска кеса со  растителна материја пресувана во разни форми, 10 пакувања со  грутчеста-прашкаста материја,  една паковка со прашкаста материја, неколку пакувања со вкупно 27 таблети во разни бои и форми, електричен блендер и пластичен сад со остатоци од непозната материја.

При преглед кај Н.Ш., пронајдена е поголема количина на пари и тоа 23 банкноти во апоени од 2.000 денари, 56 банкноти во апоени од 1.000 денари, 16 банкноти во апоени од 500 денари. По направеното вештачење констатирано дека материјалот во пресувана форма со вкупна нето маса од 447 грама претставува хашиш, а останатиот растителен материјал со вкупна нето маса од 50 грама претставува марихуана. За преостанатиот доставен материјал дополнително ќе биде направено вештачење. Во врска со случајот известен е дежурен Јавен обвинител, од кого се добиени насоки за натамошно постапување, а Н.Ш. е лишен од слобода и задржан за понатамошна постапка.