СЛУЧАЈ ТИТАНИК: Колкава казна им се заканува на Груевски и екс функционерите?

Добивај вести на Viber

За денеска во суд е закажана главната расправа за рочиштето од предметот „Титаник“ на СЈО кој се води против поранешниот премиер Никола Груевски, но и поранешните функционери Мартин Протуѓер, Кирил Божиновски, Миле Јанакиески, Гордана Јанкулоска, Билјана Бришкоска Бошковски, како и Илија Димовски, Мунир Пепиќ, Едмонд Темелко, Леко Ристовски, Кирил Тодоровски, Катерина Веловска, Станко Коруновски, Коста Марковски, Драгче Драгчески, Марјан Накевски, Гоце Јаневски, Џезми Ахмет, Роберт Давитков, Далибор Алешковиќ и Ленка Рашајковска.

Овој случај се однесува на изборни нерегуларности а според СЈО во 2012 година, осомничените кои имале својства на министер за внатрешни работи, министер за транспорт и врски и секретар на Владата на Р.Македонија, сите членови на извршен комитет на партија, заедно со други, засега непознати лица, искористувајќи го своето реално влијание и службена положба, а заради понатамошно опстојување на власт на партијата, и на локално и на државно ниво и особено заради нивни непосредни привилегии од практикување на власта, создале група, која имала за цел вршење на кривични дела против изборите и гласањето. 

За тие кривични дела може да се изрече казна затвор од три години или потешка казна.

Неделава екс премиерот е речиси секој ден во суд за случаите за кои го гони СЈО.