СМЕНИ ВО НЛБ ТУТУНСКА БАНКА: Јанчевски во пензија, Аргир – најмлад директор!

Добивај вести на Viber

Директорската смена на врвот на една од најмоќните банки во земјава, НЛБ Тутунска банка е еден од позначајните настани што ја одбележа 2015 година, заедно во пакет со информацијата дека сопственикот Нова Љубљанска банка го започнува и процесот на продажба на целата групација. Минатата година НЛБ Тутунска банка го одбележа и своето тридецениско работење. Директорски смени ... НЛБ Тутунска Банка на челната позиција го доби најмладиот банкарски менаџер.  Антонио Аргир на 4 ти јануари, кој е првиот работен ден во 2016 година, седнува во директорската фотеља, како наследник на долгогодишниот директор Ѓорѓи Јанчевски. Смената во врвот на оваа банка, која е дел од големата “четворка“ е еден од позначајните настани во банкарскиот бизнис во земјава, со оглед на тоа што станува збор за банка која е во странска сопственост и една од подоминантните во земјава. Долгогодишниот директор на НЛБ Тутунска банка во изјава за “Фактор“ вели дека е време да ја напушти матичната банка и да се посвети на пензионерскиот живот, иако имал понуди на ниво на групцијата да остане како дел од органите во банката. “Јас ја завршив кариерата во банката. Засега останувам како прв човек на Здружението на банкари, но многу скоро планирам да се повлечам и од таа функција. Сега во план ми е класичен пензионерски живот, и секако поголема посветеност на семејството, особено во улогата на дедо. Имав понуди на ниво на групацијата да останам како член на некои од органите, но мојата конечна одлука беше целосно повлекување“, вели доскорешниот директор на НЛБ Тутунска банка, Јанчевски. Откако Народната банка во јули, лани, издаде дозвола за вршење на функцијата член на Управен одбор, Аргир влезе најпрво во највисоките раководни органи на НЛБ Тутунска банка а веднаш потоа беше избран и прв човек на банката. Тој важи за банкар од кариера. Аргир практично ќе биде и најмлад менаџер, директор кој е на врвот на една банка во земјава. Кредити ќе има, но и неизвесност .. И Јанчевски и Аргир оценуваат дека новата 2016 та година ќе биде неизвесна за вкупниот политички амбиент, особено ако кризата потрае. “Се има своја точка на топење. Политичката неизвесност, односно политичката криза ако потрае дефинитивно ќе има негативни импликации врз економијата. Бизнисот некако ја издржа 2015 година, но дколку нема разрешница во новата 2016 година, секако дека тоа негативно ќе се одрази бидејќи предлого трае“, вели Јанчевски. Сличен став има и новиот директор Аргир. “Дефинитивно нестабилната политичка состојба негативно се одразува на економијата. Банката ќе ги следи сите настани и ќе превзема соодветен пристап во работата. Секако, и во 2016 година кредитната активност ќе продолжи со поголем фокус на физички лица и на мали и средни фирми. Она што планираме е да ја збогатиме понудата со небанкарски финансиски понуди, како животно и неживотно осигурување и доброволен пензиски фонд. Фокусот исто така ќе биде на иновациите, особено во делот на дигитализирање на работата со клиентите.“, вели директорот Аргир. Јанчевски и Аргир новогодишните празници ќе ги поминат во земјава. Аргир со семјството ќе биде во Крушево, како што вели “ Тое е мојата дома, а и овие денови, иако се празнични, мора да сум присутен во земјава“, алудирајќи на тоа дека веќе на 4 ти јануари го превзема менаџирањето со една од најголемите банки во земјава. НЛБ Тутунска банка е една од банките од “големата четворка“, чиј сопственик е Нова Љубљанска Банка. На истекот од 2015 година банката го одбележа своето три децениско работење а од базата во Љубљана веќе се потврдија намерите за продажба на оваа групација, како дел од планот за приватизација на Нова Љубљанска Банка. Р.Ф.