СО ЧАСОВИ ЗАТВОРЕНО ВО КОЛА: Детенце почина од топлотен удар, таткото го заборавил-Хрватска во шок

Добивај вести на Viber

Голема трагедија се случила вчера во Хрватска. Во Книн, во паркиран автомобил беше пронајдено мртво дете. Информацијата за хрватските медиуми ја потврдил и портпаролот на полицијата, Шиме Павиќ и веднаш била спроведена полициска истрага, која треба да ги расветли сите околности на трагедијата.

Истражителите и луѓето кои го пронашле телото биле шокирани од ужасната глетка на починатото момчеце оставено во врело возило.

Како што неофицијално дознава Шибенски.хр, момчето имало пет години. Неговиот татко е професионален војник во единицата за стража со седиште во Книн.

Таткото го носел своетто синче во градинка секое утро пред работа, рано наутро. Го оставаа и одел на работа во касарната Книн.

Вчера пред да го остави во градинка тој добил повик на неговиот мобилен телефон веднаш да се пријави во касарната. Не е познато зошто го повикале и како го успеал да заборави да го остави детето во градинка. Се паркирал и заминал, а момчето најверојатно заспало.

Целосно занесен во своите работни обврски, тој не ни помислил да има дете, пишуваат медиумите, додека во три часот попладне не му се јавила сопругата да го праша каде е нивниот син затоа што не е во градинка.

-Во тој момент истрчал до возилото и го пронашол безживотното тело на своето детенце. Целото утро додека момчето било во возилото никој не го забележал и не го слушнал. Можеби детето се разбудило и се јавило, но никој не можел да го слушне поради бучавата од градежните машини во близина на паркингот, пишува Шибенски.хр.

Отежнувачка околност е што станува збор за автомобил BMW со затемнети стакла. Имено, во Книн, околу 14 часот температурата беше околу 28 степени, но доколку такво возило долго време стои на сонце, температурата внатре може неверојатно да се зголеми и детето да се дехидрира.

Во Книн утре ќе биде ден на жалост.