Со еден велосипед можат да заработат просечна плата

Добивај вести на Viber

Се очекува дека во сезона 2017 околу 200 објекти во средна Далмација на туристите ќе им понудат и велосипеди, затоа што одмор и релакција плус возење на велосипед е хит во Европа. 

Многу апартманти во Далмација ќе имаат ознака „bed&bike".  На овој начин Хрватите со само еден велосипед можат да заработат просечна плата. 

Велосипедите дневно се изнајмуваат за цена од 90 до 170 куни. Ако секој ден се изнајмува велосипедот, тогаш може да се заработат 1200 куни. 

Германија има 2 милиони туристи кои надвор од земјата патуваат со велосипед, а 5.7 милиони Германци во последните три години биле на одмор со велосипед. 

„Купуваме добри велосипеди, секој чини по 3000 или 4000 куни. Ги имаме 12 и инвестицијата се враќа за една година ако работите сами. Нашата цена е 90 куни дневно, знам дека може да биде и повеќе, но досега е така“ - вели Кристинка Иванац, која изнајмува велосипеди. 

Таа додава дека веќе има резервации и тоа од шведски гости за предсезона. Изнајмувањето носи добар приход, а при тоа не бара многу труд, освен да се одржуваат велосипедите.