Со пари од државниот буџет одблокирани битолските училишта
Објавено во: Македонија 09 Август, 2019
Сметките на 13 основни и средни училишта во Битола се одблокирани со пари од државниот буџет, соопшти вчера советот на општината. Ова го соопшти претседателот на Советот Валентин Груевски по завршувањето на последната седницата.
,,Она што беше рак рана на Битола беа блокираните сметки на училиштата, од 14 блокирани училишта уште само едно е блокирано, тоа е ,,Крсте Петков Мисирков” во Бистрица. Неговото одлокирање е во тек, носиме неколку одлуки за тоа да ги зголемуваме средствата и веројатно и тоа ќе се одблокира”, рече Груевски.
Иванчо Тошевски од ВМРО ДППМНЕ рече дека проблемот лежи во методологијата со која се одредуваат блок дотациите што стигнуваат до Општината за училиштата.