Добивај вести на Viber
Словенечкиот социјален канабис-клуб (СКСК) собра 10.800 потписи за поддршка на предлог-закон со кој би се легализирала употребата на канабис, марихуана и нивните деривати за „самолекување“ на некои сериозни заболувања. Во текот на едномесечната акција практично потписи се собирале за три закони врзани со марихуаната, при што најмногу собрал предлог законот за канабисот односно 10.879 потписи. Предлог-законот за самолекување го потпишале 8.835 луѓе, додека 8.032 лица го поддржале законот за деривати на марихуаната.
Повикувајќи се на некои други земји што дозволиле слично лечење, заговорниците на легализацијата на марихуаната во Словенија сега имаат намера својата петиција да ја испратат во парламентот. Според законот, пратениците ќе мора да расправаат за предлогот ако се утврди дека најмалку 5.000 валидни потписи на петицијата се важечки и се собрани според правилата за граѓански иницијативи.
Како што пред извесно време објави весникот „Дело“, Словенците се се позаинтересирани за терапии со масло од канабис и хашиш, за медицински цели.