Собраниска делегација патува во Виена
Објавено во: Македонија 18 Ноември, 2018
Собраниска делегација на Комисијата за европски прашања од денеска до вторник ќе учествува на конференција на претседатели на комисиите за европски прашања на земјите членки на Европската унија (КОСАК) што ќе се одржува во Виена.
Во составот на собраниската делегација, како што соопшти прес-службата на македонското Собрание, се Шпреса Хадри, Лидија Тасевска и Владанка Авировиќ.
На конференцијата се очекува да се разговара за реализацијата на приоритетите на австриското претседателство со Советот на Европската унија, а најавени се воведни обраќања на претседателот на Австрискиот национален совет Волфганг Соботка и претседателот на австрискиот Федерален совет Инге Пош-Грушка.
Теми на разговор, како што велат од македонското Собрание, ќе бидат и Брегзит, климатските политики, како и потребата за поголема транспаретност на Европската унија и нејзино приближување кон граѓаните во пресрет на престојните избори за Европскиот парламент.