СОЛИДЕН ПАД: Од јули, во Германија има пониски плати

Добивај вести на Viber

Зголемените придонеси во Германија ги намалуваат платите на вработените. Некои работници губат до 250 евра годишно. Просечно зголемување од само еден процент може да ја намали годишната нето заработка за 252 евра.

Сè поголем број граѓани во Германија кои се опфатени со законско здравствено осигурување мора да сметаат на повисоки трошоци - од 1 јули 2025 година, неколку осигурителни фондови имаат зголемени стапки на придонеси, што директно се одразува на износите на платите. Членовите на одредени осигурителни фондови се особено погодени.

Во Германија, придонесите за здравствено осигурување автоматски се одбиваат од бруто платата, како дел од законскиот систем за социјално осигурување, што значи дека секое зголемување директно влијае на нето заработката на вработените, пишува списанието Феникс. Задолжителното здравствено осигурување (GKV) во Германија во повеќето случаи се финансира подеднакво - половина ја плаќа работодавачот, а половина вработениот. Сепак, зголемувањето на дополнителните придонеси од осигурителните фондови ги намалува износите што вработените ги добиваат на крајот од месецот.

Според германската организација Stiftung Warentest, осигурените членови на фондот Securvita BKK сега плаќаат стапка на придонес од 18,5 проценти, што е зголемување од 0,7 процентни поени. Уште поголемо зголемување почувствуваа членовите на IKK Brandenburg и Berlin, каде што придонесот се зголеми за дури 1,25 поени - на вкупно 18,95 проценти.

Фондот IKK – Innovationskasse ја зголеми својата стапка на 18,9%, приближувајќи се до највисоката моментално применлива стапка од 19 проценти, што ја наплаќа Knappschaft (фонд за рударство и социјално осигурување). BKK Tehnoform, исто така, ја зголеми својата стапка на 18,09 проценти.

Овој тренд на зголемување на придонесите дополнително ги оптоварува платите на работниците и укажува на зголемен финансиски притисок во областа на здравственото осигурување. Зголемување и на затворените фондови

Покрај јавно достапните фондови, пет затворени фондови наменети за вработените во одредени компании, исто така, ги зголемија своите придонеси: BMW BKK, BKK PwC, EY BKK, Karl Mayer BKK и Merck BKK. Иако не се вклучени во целокупната споредба, овие зголемувања влијаат на значителен број работници од овие компании.

Од почетокот на годината, вкупно 59 здравствени фондови ги зголемија придонесите уште од 1 јануари. Еден фонд го стори тоа во февруари, три во април, два во мај, а три нови случаи беа регистрирани во јули. Колку всушност значи зголемувањето за работникот?

Користејќи го примерот на просечна бруто плата во Германија од околу 4.200 евра месечно, зголемувањето на придонесите од само 1% значи дополнително намалување од 21 евро месечно, бидејќи работникот сноси половина од зголемувањето - 0,5%. На годишно ниво, ова изнесува околу 252 евра помалку нето заработка.

Затоа, на осигурениците во Германија им се советува редовно да ги проверуваат условите на нивниот здравствен фонд, особено ако стабилноста на придонесите и квалитетот на дополнителните услуги се важни за нив.