Совети за тазе вработените…
Објавено во: Финансии 02 Јуни, 2016
Адаптирањето на новата работна среедина носи предизвици, на кои треба да бидете подготвени. Еве неколку совети за штотуку вработените.
Распрашајте се однапред како ќе ви изгледа првиот работен ден. Одлично е ако уште првиот работен ден оставите добар впечаток.
Дојдете навреме, па дури и малку порано. Испланирајте алтернативен пат до работа во случај на сообраќаен метеж или на друг застој. Немојте први да си заминувате од работа при крајот на работното време.
Што побрзо набавете лозинки кои ви се потребни за работење во компанијата.
Бидете совесни во извршувањето на работните задачи.
Запознајте се со просторот каде ќе работите, опремата која ќе ја користите и можеби ќе ја делите со колегите.
Добро проучете сè што ви е однапред дадено да прочитате , како кодекс на етика, облекување и пополнете ги сите формулари што ви се дадени, без оддолжување.
Не се двоумете да прашувате за она што не ви е јасно.
Ако одбиете помош, сметајте дека на оние што сте ги одбиле ќе им биде непријатно и дека веројатно нема да сакаат да ви помогнат следен пат. Секако, не треба да им досадувате на колегите за она што веќе го знаете.