24 Ноември, 2020
0.0228

СОВЕТНИЧКИ УСЛУГИ: Мирослав Грчев за две и пол години од Владата и Култура добил 17 илјади евра?

Објавено во: Македонија 22 Ноември, 2019

Мирослав Грчев, архитект и советник во Министерството за култура, но и на премиерот Зоран Заев, во периодот од април 2017 до октомври 2019 година, односно за две и половина години, од Министерството за култура и од Владата добил исплати на вкупна сума од 17 илјади евра, покажува документот до кој дојде Фактор. 

Исплатите почнале од 12 април 2017 година, кога нему во истиот ден му биле извршени исплато од 12 и 20 илјади денари, а потоа продолжуваат во текот на наредниот период. 

Сумите се движат меѓу 10 илјади и 40 илјади денари по исплата. Обично исплатите се два пати месечно ако се поголеми, а доколку се помали износи, регистрирани се исплати во повеќе наврати во текот на месецот. 

Последната исплата во документот што го добивме е на 10 октомври, на износ од 40 илјади денари.

Исплатите се вршени во повеќе наврати и од Министерството за култура, и од Владата.

Фактор го доби овој документ од одредени наши извори, а го објавуваме онака како што го добивме, без заклучоци за што се исплаќани хонорарите, односно дали се тие за советничките услуги на професорот и архитект Грчев. 

Инаку, во ноември лани медиумите објавија дека Министерството за култура, како што самото информирало, ја оддржало првата средба на новиот состав на Советот за култура на министерот за култура Асаф Адеми.

Советот го сочинуваат 15 советници, вклучително со претседателот на ова тело. Меѓу нив и професор д-р Мирослав Грчев, редовен професор на Архитектонскиот факултет при УКИМ. 

Членовите на Советот ги именува министерот за култура, од редот на истакнати уметници, стручни лица од областа на културата и од јавниот и општествениот живот, по принципот на компетентност и на соодветна и правична застапеност на граѓаните кои припаѓаат на сите заедници.

Според Законот за културата, улогата на Советот е да му дава мислења на министерот од неговата законска надлежност. Советот се свикува по барање на министерот, а мандатот на членовите е во траење со мандатот на министерот.

А во мај 2018 година медиумите објавија дека вкупно 56 советници, од кои тринаесет посебни советници, десет советници и 33 надворешни има премиерот Зоран Заев ангажирано во својот кабинет. 

Меѓу нив и Мирослав Грчев, како надворешен соработник соработник за просторно и урбанистичко планирање и градежништво.

А во април лани Димитар Грчев, син на Мирослав Грчев, на неговиот фејсбук профил ја потврди информацијата дека тој е вработен во ЕЛЕМ. 

„Да, работам за ЕЛЕМ. Благодарам на интересот, дефинитивно го немаше кога работев во фабрика во Штип“, напиша тогаш Драган Грчев., додавајќи дека во Штип повеќе го плаќале. 

Инаку, Мирослав Грчев е истакнат професор и архитект, и беше познат како жесток на претходната власт, особено на проектот Скопје 2014, а беше и виден учесник во Шарената револуција.

Н.Н.Ф. 

Можеби ќе ве интересира

Новинарите имаат дилеми за официјалната реторика на Софија

Новинарите имаат дилеми за официјалната реторика на Софија

ВЕЛЕС: Почината жена e пронајдена на улица

ВЕЛЕС: Почината жена e пронајдена на улица

Мухамед Зекири е избран за генерален секретар во Владата

Мухамед Зекири е избран за генерален секретар во Владата

Филипче побара вонреден инспекциски надзор во болницата во Битола

Филипче побара вонреден инспекциски надзор во болницата во Битола

Јавноста згрозена од фотографиите од Клиничката болница во Битола: Пациенти примаат инфузија кревет до кревет со починати

Јавноста згрозена од фотографиите од Клиничката болница во Битола: Пациенти примаат инфузија кревет до кревет со починати

Груби бил преведувач во „Жолтата куќа“ и тврди дека тука нема ништо спорно

Груби бил преведувач во „Жолтата куќа“ и тврди дека тука нема ништо спорно

Медицинска опрема и медицински кадар од „Аџибадем Систина“: Пациентите болни од ковид во новиот објект ќе се третираат по највисоки стандарди

Медицинска опрема и медицински кадар од „Аџибадем Систина“: Пациентите болни од ковид во новиот објект ќе се третираат по највисоки стандарди

Блокадата ќе ги забави бавните македонско - бугарски проекти

Блокадата ќе ги забави бавните македонско - бугарски проекти

Зошто иновацијата е клучот за иднината без чад: Примерот од Велика Британија

Зошто иновацијата е клучот за иднината без чад: Примерот од Велика Британија