Спасовски ги повика Собранието и ДИК да профункционираат

Добивај вести на Viber

Оливер Спасовски, техничкиот премиер на Македонија, ги повика институциите, алудирајчи на Собранието и на Државната изборна комисија, да ги земат работите во свои раце и да стават јасно до знаење дека предвремените парламентарни избори треба да се одржат на 5 јули.

- Владата ја има таа јасна позиција, согласно Уредбата, Уставот и законите, денот на избори е 5 јули. Лидерите имаа време да разговараат за изборниот процес и реков дека до оној момент кога политичките лидери не можат тоа да го сторат, институциите на системот мора да ја преземат одговорноста. Неодговорно е во време на здравствена и економска криза државата да биде оставена со нефункционални институции и без Собрание за контрола на извршната власт, рече Спасовски во „Утрински брифинг“.

Ваквата изјава на Спасовски следува откако Христијан Мицкоски, лидерот на ВМРо-ДПМНЕ, вчера рече дека за него се неприфатливи термините на 5 и 8 јули. Потоа топката се префрли во ДИК, од каде членови брифираа дека претседателот на комисијата Оливер Дерковски не се одзива на повиците за седница на која треба да биде констатирано дека започнува предизборната кампања и изборните рокови по завршувањето на вонредната состојба. Последен се огласи претседателот на Собранието, Талат Џафери, кој рече дека за датм за избори треба да се договорат власта и опозицијата.

Според Спасовски, сепак изборите мора да се спроведат како што е пропишано во Уставот и законите со учество на сите партии за целосен легитимен и регуларен изборен процес.

- Не го разбирам Мицкоски и ВМРО ДПМНЕ кога би сакал да има избори?! Се навикнавме дека опозицијата нема став за ниту едно клучно прашање. Но мораме да имаме висока свест во рамките на оваа здравствена и економска криза, се со цел да ги комплетираме институциите и да продолжи интересот за справување со Ковид 19, економската криза, евроинтегративниот пат и слично, додаде Спасовски.

Последните информации се дека денеска точно на пладне членовите на Државната изборна комисија се повикани во Владата за да се пронајде излез од оваа ситуација.