СРЕДБА ТУСК-ЗЕЛЕНСКИ: Полска и Украина планираат заедно да произведуваат оружје
Објавено во: Свет 22 Јануари, 2024
Полска и Украина се блиску до заедничко производство на оружје.
Полскиот премиер Доналд Туск денеска изјави дека Полска и Украина се приближуваат до договор за заедничко финансирање на производството на муниција и оружје. Тој при денешната посета на Киев изјави дека нема ништо поважно од поддршката за Украина во нејзините воени напори против Русија.
„Како што веќе нагласи претседателот Зеленски, разговаравме и брзо ќе ги завршиме овие дискусии за заеднички инвестиции во производството на оружје и муниција“, рече Туск.
Тој кажа дека ја поздравува идејата на Зеленски за „заеднички претпријатија“ за производство на оружје.Белгија годинава за Украина ќе обезбеди 611 милиони евра помош. Руската инвазија на Украина почна на 24 февруари 2022 година.