Српскиот претседател ја исклучува изградба на „Турски поток“ на српска територија

Добивај вести на Viber

Поради Европската унија - оваа е причина истакната од страна на српскиот претседател Томислав Николиќ како основна и пречка за изградбата на „Турски поток“ на српска територија.

Николиќ дал изјава за руската агенција „Интерфакс“ и објаснил дека Србија не ги поддржува санкциите на ЕУ против Русија, но бидејќи води преговори за влез во Унијата, треба да се усогласи со општата политика на Европа. Зборовите на Николиќ се потврда на оние на српскиот амбасадор во Русија Славенка Терзиќ. Тој веќе најави дека запирањето на „Јужен поток“ и објавувањето на „Турски поток“ ќе ја влошат ситуацијата на Србија во областа на енергетиката. А Николиќ пак изјавил дека Србија нема да добива гас од „Турски поток“.

Вчера, 7 мај, рускиот претседател Владимир Путин зборувал со грчкиот премиер Алексис Ципрас за „Турски поток“. Според соопштението од страна на Кремљ Русија е подготвена да им даде „финансиска помош“ на грчки компании кои се подготвени да учествуваат во изградбата на „Турски поток“. Во разговорот со Ципрас Путин му обратил „особено внимание“ на гасниот систем во Грција и како е најдобро и правилно тоа да биде вклучена во „Турски поток“. Ако биде постигнат официјално договор меѓу Русија и Грција за изградба на „Турски поток“, тогаш Москва може да и даде на Атина до 3 милијарди евра.

По повод барањето на Србија да стане членка на ЕУ, Николиќ истакнал дека сега е прашањето за Косово и тоа е  најголема пречка, отколку развојот и соработката со Русија.

Еврокомесарот Јоханес Хан, кој е во посета на Србија, не го прекоруваат претседателот Николиќ за неговата намера да замине со српска воена единица на парадата во Москва на 9 мај по повод Денот на победата над фашизмот, пишува весникот „Данас“. По средбата меѓу Хан и Николиќ вчера претседателската прес служба соопштила дека Хан изјавил дека не е лесно да се објасни на европските партнери зошто Србија сака да учествува во парадата во Москва.