Добивај вести на Viber
На буџетската сметка веќе легнаа 250 милиони евра од Дојче Банка, изјави министерот за финансии Зоран Ставрески. Парите се дојдени во Македонија пред околу една недела.
Законот за задолжување кај Дојче Банка за кое како делумен гарант се јавува Светска банка мина во Собранието, без присуство на опозицијата, непосредно пред Нова година.
Кредитот од Дојче банк е добиен со гаранција што ја приложи Светска банка во износ од 155 милиони евра и рок на отплата 7 години. Отплатата ќе се врши на две рати, при што првата рата во износ од 95 милиони евра ќе биде отплатена во 2018 та година, односно по 5 години од денот на повлекување на средствата на заемот. Втората рата во износ од 155 милиони евра ќе биде отплатена две години подоцна. Каматата треба да изнесува нешто под 4 проценти