Добивај вести на Viber
Министерот за финансии Зоран Ставрески пред малку изјави дека Македонија денеска успешно се раздолжи, со што според министерот, е покажан висок степен на макроекономска стабилност
- Македонија денеска се раздолжи, целосно ја исплати евро обврзницата што покажува дека сме земја со висок степен на макроекономска стабилност која ги исполнува обврските кон меѓународни кредитори, што е значајно секогаш кога ќе пристапиме на пазарот на финансии. Останува за отплата уште една евро обврзница во 2015 година. Со оваа денешна исплата го намаливме нивото на надворешниот долг, а со парите што ќе стигнат од новите кредити ќе ги вратиме девизните резерви на нивото на кои беа досега, изјави Министерот за финансии Зоран Ставрески.
Според него на тој начин се испраќа добар сигнал кон инвеститорите дека Македонија е земја со висок степен на макроекономска стабилност и целосно исполнување на сопствените обврски.
Тој додаде дека Република Македонија треба да исплати уште една еврообврзница во 2015 година што е земена во 2005 година и очекува да биде исплатена на идентичен начин.