Ставрески: Македонија успешно управува со јавните финансии

Добивај вести на Viber

Според министерот за финансии Зоран Ставрески, Владата води исклучително внимателна политика во поглед на одржувањето на нивото на јавен долг. Во интервју за неделникот Република, Ставрески вели дека Македонија е ниско задолжена земја со јавен долг од 33 проценти, а потврда за успешната политика за управување на јавните финансии доаѓа и од меѓународните финансиски институции. „Пред почетокот на кризата, кога состојбите во економијата и во светот беа поволни, извршивме предвремено раздолжување така што 39 проценти од БДП, колку што беше задолженоста кога дојдовме во Владата, државниот долг го намаливме на 24 проценти, со што покрај намалување на долгот, се остварија и значителни заштеди по основа на камати. Ова го подобри имиџот на земјата пред меѓународните финансиски институции и кредитори. Доколку анализираме од сегашна перспектива, тој потег ослободи простор во услови на светска финансиска криза, Македонија да има пристап и да обезбеди средства за финансирање од странски извори. Денес јавниот долг изнесува 33,6 проценти од БДП со што Македонија е во групата на умрено задолжени земји и четврта најмалку задолжена земја во Европа. Обврските на државата редовно се сервисираат и во таа насока на почетокот од годината беше исплатена еврообврзницата, како и други обврски по основа на билатерални и на мултилатерални договори за заем“, вели Ставрески