Ставрески: Најголемите банки треба да им помогнат на приватните фирми

Добивај вести на Viber

Банките треба да им помогнат на приватните фирми, а бидејќи се стабилни и ликвидни нема причина да не дојде до заздравување на кредитната активност, смета министерот за финансии Зоран Ставрески. Според него, најголема поддршка треба да дадат најголемите банки. На денешниот ФИНЕСКОП 2003 година,посочи дека растот на кредитите од 4-5 проценти можеби не е доволен, но смета дека не е ни лош за оваа фаза, иако порачува ба да се преиспитаат политиките на неколкуте најголеми банки. „Економскиот раст во услови на криза во Европа е таков каков што е, односно базира на глобални инвестиции и извоз од компании што работат во зоните, но долгорочно гледано потребно е поголема поддршка на банките на приватниот сектор“, рече Ставрески. И за претседателот на Здружението на банкари при Стопанска комора на Македонија Ѓорѓи Јанчевски, поволни се движењата во банкарскиот сектор оваа година. „Воопшто не штети на кредитирањето на фирмите бидејќи има пари и за двете страни. Државата има една милијарда евра во државни записи и обврзници од кои 582 милиони се на банките. Тоа не пречи на кредитирањето на фирмите бидејќи има доволна ликвидност. Тие се краткорочни средства и може да се пренаменат доколку има добар проект“, рече Јанчевски. Според него, банките имаат доволно ликвидни средства и за кредитни пласмани и за пласмани во државни хартии од вредност. Јанчевски очекува во следната година да се засили кредитната активност на банките и смета дека во услови на рецесија не може банките да имаат засилена кредитна активност. Според Комитетот за оперативна монетарна политика на НБРМ, по вчерашната седница е утврдено дека ликвидноста на банкарскиот систем во земјава во ноември се зголеми и банките имаа можност да го пласираат вишокот ликвидни средства во краткорочни финансиски инструменти. На домашните пазари беше забележан пораст на меѓубанкарската активност со депозити, а се тргуваше и на секундарниот пазар на хартии од вредност.