Добивај вести на Viber
Вицепремиерот и министер за финансии ја откажа за денеска планираната посета на втората фабрика на „Џонсон контролс“ во технолошко-индустриската зона во Штип.
„Министеството за финансии информира дека планираната посета на вицепремиерот и министер за финансии Зоран Ставрески на ТИРЗ Штип нема да се реализира“, информираа кратко од Кабинетот на Ставрески без да изнесат повеќе детали зошто се откажува посетата.
Нема информации дали откажувањето на посетата е со цел да се избегне можноста Ставрески да биде обвинет за предвремен почеток на изборната кампања, со оглед на тоа што најдоцна до утре ДИК треба да ја официјализира неговата кандидатура за претстојните парламентарни избори, како носител на листата на ВМРО-ДПМНЕ во ИЕ4.
„Џонсон контролс“ е првата фабрика што е отворена во ТИРЗ Штип и во неа се произведуваат навлаки и седишта за возила. Фабриката е инвестиција од 20 милиони евра и се простира на површина од 12.000 кавдратни метри. Во неа работат 1.400 работници.