СТЕФАНИШИНА: Руските рафинерии се легитимна цел на украинската армија
Објавено во: Свет 22 Март, 2024
Украина сепак не се согласува со САД дека треба да запре со напади на руските рафинерии.
„Руските рафинерии се легитимна цел на украинската армија“, рече украинската вицепремиерка Олга Стефанишина.
Ова е одговор на денешната реакција на Вашингтон дека Киев треба да запре со нападите со беспилотни летала врз рафинерии во западниот дел на Русија. Таа додаде дека, од воен аспект, и енергетските капацитети се легитимни цели.
„Ги разбираме повиците на американските партнери, но во исто време се бориме со капацитетите и ресурсите што ги имаме“, рече Стефанишина на безбедносен Форум во Киев.
Соединетите Американски Држави(САД) денеска ја повикаа Украина да ги запре нападите со беспилотни летала врз руските нафтени рафинерии и друга енергетска инфраструктура, наведувајќи дека нападите може да ги зголемат глобалните цени на нафтата и да предизвикаат руска одмазда, потврдија три неименувани извори запознаени со ова прашање.
Повторените предупредувања од Вашингтон се испратени до високи функционери на службата за државна безбедност на Украина (СБУ) и на нејзината управа за воено разузнавање позната како ГУР, дознава „Фајненшл тајмс“.
Од почетокот на руската инвазија, двете украински разузнавачки служби континуирано ги прошируваат своите програми за беспилотни летала за да напаѓаат руски цели на копно, море и во воздух. Украина редовно го напаѓа и Белгород. Руската инвазија на Украина почна на 24 февруари 2022 година.
Можеби ќе ве интересира
„МЕГА“ ХАКЕРСКИ НАПАД НА РУСКИТЕ МЕДИУМИ ЗА РОДЕНДЕНОТ НА ПУТИН: Дали Украинците стојат за нападот?
ВЛАДИМИР ПУТИН НАПОЛНИ 72 ГОДИНИ: Како од сиромашно момче стана моќен лидер?
„ЌЕ ДОНЕСЕМЕ МИГРАНТИ ОД БУДИМПЕШТА ВО БРИСЕЛ И ЌЕ ГИ ОСТАВИМЕ ПРЕД КАЦЕЛАРИИТЕ“: Орбан се закани
ЕВЕ КОИ СЕ ТРИТЕ НАЈПРИВЛЕЧНИ ЗЕМЈИ ЗА БОГАТАШИТЕ: имаат најатрактивни понуди за „трагачите“ по златна виза
„ХЕЛЕНА“ ИМ ОСТАВИ БРОЈНИ ЖРТВИ, НО СЕГА ПРИСТИГНУВА И „МИЛТОН“: Овој ураган може да биде уште побезмилосен
„СЀ ДОДЕКА СУМ НА ВЛАСТ ЌЕ ГО БЛОКИРАМ ЧЛЕНСТВОТО НА УКРАИНА ВО НАТО“:Сака да ги врати и економските врски со Русија
КИНЕЗИТЕ ГИ ХАКИРАЛЕ АМЕРИКАНЦИТЕ: Упаднале во системите за прислушување
(ВИДЕО) ТЕРОРИСТИЧКИ НАПАД ВО ИЗРАЕЛ, ИЗБОДЕНИ ЛУЃЕ НА АВТОБУСКА СТАНИЦА: Еден мртов и осум повредени
ИЗРАЕЛ СЕ БРАНИ НА СЕДУМ ФРОНАТ ОД ХЕЗБОЛАХ, ХАМАС, ХУТИТЕ...Нетанјаху имеше видеообраќање
