СТО ДЕНА ВОЈНА: Израел ја менува тактиката
Објавено во: Свет 16 Јануари, 2024
По 100 дена војна Израел тврди дека ја менува тактиката.
Според бројките на палестинската терористичка група Хамас убиени се 24.000 Палестинци. Секоја втора куќа во Газа е уништена, 85 отсто од жителите се раселени. Израел соопшти дека неговите операции против Хамас во јужниот дел на Газа наскоро ќе влезат во помалку интензивна фаза, пишува Дејли Телеграф. Јоав Галант, израелскиот министер за одбрана, кажа дека интензивните операции наскоро ќе завршат во јужните градови Кан Јунис и Рафах.
„Јасно ставивме до знаење дека интензивната фаза на маневрирање ќе трае приближно три месеци“, рече Галант на прес-конференција, додавајќи дека фазата веќе е достигната во северниот дел на Појасот Газа.
Сепак, израелските власти, вклучително и премиерот Бенјамин Нетанјаху во текот на викендот, постојано предупредуваа дека борбите во Газа ќе траат со месеци.
Израелската армија потврди дека една од нејзините четири дивизии кои дејствуваат на територијата го завршила повлекувањето во понеделникот. Хамас на 7 октомври лани го нападна Израел. Терористичката група бара формирање на независна држава Палестина со главен град Ерусалим. Тие бараа и ослободување на палестинските затвореници.
фото: принтскрин