Стоилковски: Заев на два пати ја обвини Унгарија дека киднапирала македонски граѓанин
Објавено во: Македонија 17 Ноември, 2018
Oд ВМРО-ДПМНЕ денеска реагираа дека премиерот, Зоран Заев вчера на два пати ја пласираше тезата дека поранешниот премиер, Никола Груевски бил киднапиран.
„Со сета тежина на премиерската функција, Заев вчера на два пати ја обвини Република Унгарија дека киднапирала македонски граѓанин, поранешен премиер, почесен претседател на опозицијата, притоа, лице кое е дел од правен процес. Ваков срам Република Македонија не заслужува“, изјави Наум Стоилковски, портпарол на ВМРО-ДПМНЕ.
За притворите на Миле Јанакиески и Кирил Божиновски, вели дека нема ниту една причина, нема доказ или релевантна информација дека тие имале намера да не ги почитуваат мерките на претпазливост кои веќе им се изречени.