Стопанска Банка – Битола со значајно подобрен финансиски биланс

Добивај вести на Viber

Финансиските перформанси се значајно подобрени, загубата во однос на лани е драстично намалена. Стопанска Банка – Битола го објави полугодишниот неревидиран извештај за првото полугодие од годинава. “Во периодот јануари - јули 2013 та година, Стопанска Банка а.д Битола го продолжи трендот на подобрување на финансискиот резултат и успеа да ја намали загубата за 90%, споредено со истиот период лани, што е особено значајно имајќи ја предвид лошата економска состојба во земјата и во светот“ коментираат од Стопанска Банка – Битола. За првото полугодие банката прикажа загуба од 268 илјади евра.  Значајното намалување на негативното салдо од банката го објаснуваат како резултат на намалување на нефункционалните кредити. “Помалата тековна загуба пред се е резултат на ослободување на исправката на вредноста на финансиските средства на нето-основа од 211,7 милиони денари, што е одраз на напорите на менаџментот за наплата на претходно оштетените побарувања и намалување на нефункционалните кредити.“ – велат од банката. Активноста зголемена – приходите во пораст!  За првото банкарско полгодие оваа битолска банка прикажа зголемен пораст на приходите од провизии и камати, што се толкува како одраз на зголемената банакрска активност на банката во периодот што измина. Така, Стопанска Банка – Битола во периодот од јануари до јуни прикажа нето-приход од камата во вредност од 1,2 милиони евра додека приходите од привизии и надоместоци изнесуваат 583 илјади евра, што претставува двоен пораст во однос на лани, истиот период. “Нето-приходите од камата бележат раст од 3,4% додека нето приходите од провизии и надоместоци се двојно зголемени, што укажува на зголемената активност на банката од аспект на обемот и квалитетот на кредитирањето во насока на подобрување на резултатот од работењето пред исправката на вредноста“ – соопштува Стопанска Банка-Битола. Во исто време, неревидираниот полугодишен извештај прикажува раст и на другите приходи од дејност за 14,2% во споредба со истиот период лани. Според информации од Стопанска Банка – Битола, банката ќе прикаже позитива на финасиското салдо по завршување на осумте месеци од годинава. Вкупниот запишан капитал на банката изнесува 19 милиони евра. Атрактивни камати за штедење и за кредитирање! Со понуда на атрактивни каматни стапки за кредитите и за депозитите, Стопанска Банка – Битола во изминатиот период се обиде да ги задржаи постечките и да привлече нови клиенти. Минатиот месец Банка лансираше нови, наменски кредити за финансирање на малите бизниси, односно фирми со најмногу 10 вработени. Од банката информираа дека минималниот износ на кредитот е 300 илјади денари, додека максималната сума е до 600 илјади денари. “Кредитот наречен “Микро кредит за микробизнис“ е наменски, најмалку 75% од парите се за набавка на основни средства или суровини и репроматеријали, додека остатокот од 25% ќе ги добие самиот клиент, односно кредитокорисник. Рокот на отплата на кредитот е 24 месеци“ – објаснија за “Фактор“ од Стопанска Банка- Битола. Во исто време, банката излезе и со понуда за штедачите ““Депозит со антиципативна исплата на камата во ЕУР на 12 месеци“. “Станува збор за пропорционална метода за пресметка на камата. Таа ќе се исплаќа антиципативно,  првиот работен ден во следниот месец од месецот на орочувањето на парите. Минималниот влог не може да биде помал од 100 евра и во текот на периодот на ороченост тој не може да се надоплнува, но клиентот, доколку сака паралелно може да орочи и друг депозит. Предноста е во тоа што каматата е фиксно утврдена и дека таа се исплаќа веднаш, односно првиот ден во следниот месец по орочувањето“ – објаснуваат од Стопанска Банка – Битола. Во периодот што измина од Банката велат дека најатрактивни кредити за граѓаните биле ненаменските кредити за рефинансирање.