Стопанска банка – Битола за 5 пати ја намали загубата во првиот квартал!

Добивај вести на Viber

По консолидацијата на сопственоста, во периодот јануари – март 2013 година, Стопанска банка а.д. Битола успеаа значително да ги подобри остварените финансиски резултати и оствари негативен финансиски резултат во износ од 31,3 милиони денари, што во однос на истиот период ланската година е намалување од 79%.

Имајќи ја предвид лошата економска состојба во земјата и во светот, значајно е да се напомене дека тековната загуба е 4,7 пати помала од загубата остварена во периодот јануари-март 2012 година. Помалата тековна загуба во најголема мера произлегува од намалување на загубите поради оштетување на средствата кај дадени кредити и вложување за 78,5%  во однос на истиот период минатата година, што е резултат на напорите на менаџментот за наплата на дел од претходно оштетените побарувања, и укажува дека менаџментот на банката се движи во правец на решавање и намалување на нефункционалните кредити. Истовремено, нето приходите од камата бележат раст од 10,7%, а нето приходите од провизии и надоместоци се зголемени за 92,1% споредено со истиот период од минатата година и имплицира на зголемена активност на банката од аспект на обемот и квалитетот на кредитирањето.. Зголемување има и кај приходите од курсни разлики како и кај останатите приходи од работењето. Паралелно со зголемувањето на приходите, зголемени се административните расходи како и останатите оперативни расходи и тоа за 8,5% и 35,9% соодветно. Во идниот период менаџментот на Банката ќе прави максимални напори за наплата на нефункционалните кредити и ќе се труди да го одржи трендот на раст на нето приходите од камати и провизии со што би се создале услови за остварување на позитивен финансиски резултат.