СТОТИЦИ ПОВРЕДЕНИ, НАЈМАЛКУ ДВАЈЦА ЗАГИНАТИ: Експлозија на гас и пожар во Кенија (видео)
Објавено во: Свет 02 Февруари, 2024
Во експлозија на гас што предизвика пожар во Најроби, главниот град на Кенија, загинаа најмалку две лица, а повеќе од 200 се повредени, соопштија денеска властите.
Властите соопштија дека две лица им подлегнале на повредите во болница, а 222 лица се повредени, додека кенискиот Црвен крст соопшти дека 271 лице биле примени во болниците во Најроби.
Камион што превезувал гас експлодирал во квартот Ембакаси вчера непосредно пред полноќ во компанија за дистрибуција на гас чија зграда е тешко оштетена, се вели во соопштението на владата, пренесува Ројтерс.
Пожарот што следеше се прошири и го зафати блискиот склад за текстил, а оштетени се станбени згради, деловни објекти и автомобили. Причината за пожарот се уште се утврдува, јавува Танјуг.
Giant Explosion in Kenya
— Ryan Mullis (@MullisVsMachine) February 2, 2024
Tragically a Gas Station in Kenya has Exploded, Injuring at least 165 people #Kenyapic.twitter.com/bK0J3SZi19