Странските банки повлекле 355 милиони евра од Македонија?

Добивај вести на Viber

Странските банки влечат пари од Македонија. Во извештај на Виенската иницијатива стои дека во последниот квартал од минатата година странските банки повлекле од Македонија пари во износ од 3,7 отсто од БДП. Според податоците на Светска банка македонскиот БДП во 2012 изнесувал 9,613 милијарди долари, па произлегува дека биле повлечени дури 355 милиони долари, објави Радио Слободна Европа. Банкарите неофицијално изјавуваат дека нема повлекување на капитал од нивните банки, дури обратно бидејќи кај дел од банките кои се во странска сопственост добивката се реинвестира. Економскиот аналитичар Висар Едеми за Радио Слободна Европа изјави оти не мисли дека одлевањето на парите е на толку високо ниво за да биде загрижувачко за македонската економија. „Иако се работи за странски банки, за странски капитал, јас мислам дека според Законот за банкарско тргување и работење таа сума е лимитирана и не се работи за загрижувачки проценти во смисла на земање на парите, сепак тие се водат според македонски закони и тоа одвлекување од Македонија е сепак на стабилно ниво“, вели Адеми. И во Народна банка на Македонија велат дека не е точно дека толкав процент на капитал од банките се одлеал во странство, иако потврдуваат дека лани имало одлив на капитал од земјава. Според нивната статистика на платниот биланс во четвртиот квартал на 2013 година, имало нето-одлив на капитал од околу 40 милиони евра.