Странските инвестиции го „билдаат“ салдото

Добивај вести на Viber

Странските инвестиции го билдаат салдото и бележат ќар и во време на политичка криза.

Ова е заклучокот на централната банка на РМ според чии пресметки во земјава во јули влегол над 171 милион евра странски капитал, или 12,2 милиони евра повеќе од лани.

Според анализите на НБРМ февруари е месец во кој влегле најмногу странски инвестиции со салдо над 45 милиони евра, а веќе во март салдото се “стопило“ на 37,5 милиони евра.

Како што поминуваат месеците, така се топело и салдото . Во јули во земјава се влезени 27,4 милиони евра.

Наместо рекорди, инвестициска апатија

Годинава ништо подобра од претходните, со инвестиции по кои земјава е некаде на балканското дно. Во првата половина од годинава  во земјава влегле скоро 123 милиони евра странски директни инвестиции, што е за 14 милиони евра повеќе од минатата година.

СТРАНСКИ ДИРЕКНИ ИНВЕСТИЦИИ

I полугодие  2016   122,92 милиони евра 

I полугодие  2015   109,6 милиони евра 

I полугодие  2014   116,68 милиони евра 

На стартот од 2016 та година Владата најави рекордна година на странски инвестиции. Отворање на околу 1.400 нови работни места се очекуваат зоните, а во тек  се преговори со 8 компании, од кои се очекува дел од нив да донесат одлуки за инвестирање во земјава. 

Анализирано во апсолутен износ, најголеми приливи од СДИ имаат Србија, Бугарија и Албанија, додека Македонија, Косово и Босна и Херцеговина најмалку, се истакнува во одредени анализи.