Стравично: Во судир на „форд ескорд“ и „мерцедес“ кај Битола неколку повредени
Објавено во: Македонија 29 Август, 2019
Стравичен судир е пријавен во МВР кој според официјални информации се случил кај село Породин на патот Битола–Драгош.
Се судриле „форд ескорд“ зад чиј волан се наоѓал 27 годишник од битолско Крклино и „мерцедес“ на битолски регистарски ознаки кој го управувал Ш.С.(44) од село Кишава-исто така битолско.
И двајцата возачи завршиле во болницата во Битола поради тешки телесни повреди а заедно со нив таму биле пренесени и сопатниците на двете возила.