СЗО изрази загриженост поради стапката на инфекција која е на највисоко ниво
Објавено во: Свет, Корона Вирус 16 Април, 2021
Стапката на инфекција со коронавирус e речиси на највисоко ниво, велат од Светската здравствена организација.
Бројот на нови случаи за една седмица е скоро двојно зголемен на глобално ниво во последните два месеци.
„Бројот на новозаразени и смртни случаи продолжува да расте со загрижувачки стапки“, рече генералниот директор на Светската здравствена организација, Тедрос Аданом Гебрејесус.
Тој е загрижен за можноста за многу поголема епидемија во Папуа Нова Гвинеја, поради што од витално значење за таа земја е да добие што е можно побрзо вакцини против коронавирусот. Досега се пријавени повеќе од 9.300 случаи на коронавирус и 82 смртни случаи во земјата. Во Европа пак има над 1 милион починати. Секоја минута по 160 луѓе во Европа се заразуваат со вирусот.