Таравари бил загрижен за европскиот пат на земјава: Затоа најавува голема албанска победа
Објавено во: Македонија 29 Септември, 2025 07:30
Претседателот на едното крило на Алијансата за Албанците, Арбен Таравари, во својот говор на промотивната конвенција на Националната алијанса за интеграција, каде што беа претставени кандидатите за градоначалници и листите на советници за локалните избори на 19 октомври, изјави дека овие избори ќе бидат голем политички референдум за Албанците во Македонија.
„19 октомври не се само локални избори. Тоа е национален плебисцит. Се обединивме затоа што нашата главна грижа е европскиот пат на Македонија, кој за жал е во застој. Албанија и Црна Гора одат напред, додека Македонија е во застој. На 19 октомври ќе има голем плебисцит и голема албанска победа“, - изјави Таравари.
Тој ги пофали кандидатурите како комбинација од искусни и млади генерации, споменувајќи имиња кои веќе покажаа добри резултати во водечките општини. Таравари додаде дека по изборите, Националната алијанса има за цел да стане најголемо албанско движење и на парламентарните избори.
Можеби ќе ве интересира
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
