16 Ноември, 2018
0.2481

Тевдовски: Државните хартии од вредност ќе котираат на Македонска берза

Објавено во: Финансии 02 Ноември, 2018

Државните хартии од вредност ќе котираат на Македонската берза. Тие ќе станат достапни и за странските институционални инвеститори, а зголемената побарувачка ќе придонесе да се намалат каматите за државата. Ова го најави министерот за финансии Драган Тевдовски на Шестиот Ерсте инвеститорски појадок.

-Сведоци сме на раздвижување на Македонската берза. Од почетокот на годинава има значајно зголемување и кај обемот и кај вредноста на МБИ10. Во оваа насока сакам да најавам дека Министерството за финансии е во преговори со Македонска берза државните хартии од вредност да почнат да котираат на берзата. Тие ќе станат достапни и за странските институционални инвеститори. Зголемената побарувачка ќе придонесе да се намали каматниот трошок на државата. А, ќе се зголеми и ликвидноста и транспарентноста со секундарното тргување - рече Тевдовски.

Министерот за финансии посочи дека Министерството за финансии ја следи европската пракса кај пазарот на капитал. Со гласно тоа, Законот за хартии од вредност, донесен во 2005 година, ќе биде заменет со два нови закони.

-Со нив ќе се подигнат стандардите за транспарентност на пазарот и ќе се воведе повисоко ниво на заштита од злоупотреби согласно со европската пракса. Во дизајнирањето на реформите значајна улога има и Советот за развој на пазарот на капитал, каде покрај регулаторите членуваат и асоцијациите на банки, хартии од вредност, осигрурување и инвестициските фондови - рече Тевдовски.

Министерот за финансии рече дека Владата е посветена на реформскиот процес. Тој посочи дека бизнис климата е подобрена и дека Владата има фер третман кон сите инвеститори. Се работи на системски решенија во јавните финасии, а веќе е значајно подобрена фискалната транспарентност, истакна Тевдовски.


Можеби ќе ве интересира

МФ: Со Буџетот за 2019 се намалува буџетскиот дефицит за половина милјарда денари

МФ: Со Буџетот за 2019 се намалува буџетскиот дефицит за половина милјарда денари

Што ќе прави Стопанска банка со зачуваната добивка од осум милиони евра

Што ќе прави Стопанска банка со зачуваната добивка од осум милиони евра

СЕГА Е АЛАРМАНТНО: Платите им се 2.000 евра, а сепак се селат

СЕГА Е АЛАРМАНТНО: Платите им се 2.000 евра, а сепак се селат

СО САМО 23 ГОДИНИ ЗАПЛОВИЛА ВО БИЗНИС ВОДИТЕ: Има еден совет за сите млади

СО САМО 23 ГОДИНИ ЗАПЛОВИЛА ВО БИЗНИС ВОДИТЕ: Има еден совет за сите млади

Се мајтапи ли УЈП со пензионерите?Требало да се донесе нов закон

Се мајтапи ли УЈП со пензионерите?Требало да се донесе нов закон

Тевдовски: И во Данска постои прогресивен данок

Тевдовски: И во Данска постои прогресивен данок