Добивај вести на Viber
Англо-канадската медиумска група за финансиски и професионални информации "Thomson Reuters“ во вториот квартал од годинава оствари пад на приходот од 73%, пренесува AFP.
Чистата добивка е намалена до 248 милиони долари во однос на 902 милиони долари во истиот период минатата година. Резултатот оваа година содржи 142 милиони долари сметки, поврзани со продажбата на средствата во здравството, во споредба со 789 милиони долари во вториот квартал на 2012 година од продажба на бизнис услугите на корпоративните клиенти.
Распределена според бројот на акциите и без вонредни ставки што е ознака за пазарите, профитот на една акција е 48 центи или со 3 центи над просечната прогноза на аналитичарите.
Прометот е намален за 3% до 3,16 милијарди при очекуваните 3,15 милијарди долари од аналитичарите.
Медиумите и особено агенцијата Reuters, претставуваат само дел од приходите на групата: Reuters News забележа вториот квартал обрт од 82 милиони долари, што е зголемување од 2% за една година.