ТОЈ Е ВРВЕН ПРОФЕСОР ПО ПРАВО, АМА И БАНКАРСТВОТО МУ Е ФАХ - кој е старо-новиот член на НО на ТТК банка, а има и вредни акции
Објавено во: Финансии 19 Август, 2024
Потребниот документ од Народна банка на Македонија е добиен и веќе нема никакви пречки академик Влада Камбовски да продолжи уште 4 години да биде член на Надзорниот одбор на ТТК Банка.
Оваа банка вчера за тоа ја извести инвеститорската јавност преку Македонската берза за долгорочни хартии од вредност.
„Ве известуваме дека со Решение на Гувернерката на Народна банка на Република Северна Македонија од 15.08.2024 година, издадена е претходна согласност за повторно именување на академик Владо Камбовски за независен член на Надзорниот одбор на ТТК Банка АД Скопје, со нов мандат од 4 (четири) години сметано од 19 септември 2024 година“, се вели во икзвестувањето од ТТК Банка.
Инаку, како што веќе има пишувано Фактор, Владо Камбовски е етаблиран доктор на правни, науки, академик, а своевремено и министер за правда. Покрај тоа, овој 76 годишен битолчанец се покажа и како врвен инвеститор во акции. Конкретно, неговите вложувања во акции на Комерцијална банка и на ТТК Банка денеска вредат 1,56 милиони евра.
Имено, неодамна благодарение на транспарентна објава на ТТК Банка дознавме дека универзитетскиот професор по кривично право бил акционер во Комерцијална банка. Таму поседува 3.900 акции чија денешна пазарна вредност е 1,51 милиони евра.
Освен во најголемата деловна банка во Македонија, Камбовски поседува и 1.738 акции во ТТК Банка. Нивната последна пазарна вредност е околу 45.000 евра.
Или, се заедно околу 1,558 милиони евра.
Инаку, предлогот академик Камбовски да биде уште четири години член на НО на ТТК Банка го даде во јули годинава најзначајниот акционер на банката, а тоа е тетовскиот комбинат Тетекс, кој поседува над 41 отсто од акциите со право на глас, а истиот месец го прифати и Собранието на акционери.
„Предложениот кандидат поседува професионални квалификации да ја извршува работата од делокругот на работењето на НО на банката, што се докажа со неговото досегашно членство. Неговиот придонес во работата на НО е исклучителен и со своето натамошно членство ќе придонесува НО на ТТК банка доследно да ги извршува работите од своја надлежност“, беше наведено од предлагачите.
Мандатот на професорот Камбовски ќе стартува од 19 септември годинава и ќе трае 4 години.
На именуваниот член на НО, односно академик Камбовски, ќе му се одреди и награда за ангажирање и учество во работата на седниците.
Академик Владо Камбовски е доктор на правни науки и беше редовен професор на Правниот факултет во Скопје, сега е во пензија. Тој е член на МАНУ, каде е раководител на Центарот за стратегиски истражувања.
Покрај акциите, и тоа 1.738 акции во ТТК банка, како и 3.900 акциии во Комерцијална банка, тој кон ТТК банка нема заеми ниту било какви други обврски.
Н.Н.Ф.
* Наградата се доделува на котирано друштво, избрано со гласање преку онлајн анкета на веб страниците на Берзата и интернет порталот „Фактор“, кој е партнер на Берзата во доделувањето на оваа награда. Гласањето се врши паралелно на двете веб страници и акцијата на издавачот што ќе има најмногу гласови од двете анкети збирно, ќе биде прогласена за Акцијата на годината по избор на јавноста за 2024 година.
Предмет на анкетата е листа од десет котирани акции, избрани врз основа на остварениот промет и транспарентноста во нивното работење.
Можеби ќе ве интересира
Еврото падна на најниско ниво во последните две години во однос на доларот
ПРОСЕЧНАТА ПЛАТА ПОВТОРНО ПОРАСНА - во септември достигна 41.585 денари, еве кои сектори имаат најголем раст
ОБЕЗБЕДЕНИ 4 МИЛИОНИ ЕВРА ЗА ЗЕЛЕНИ КРЕДИТИ ЗА ДОМАЌИНСТВАТА - силна поддршка од ЕБОР, ЕУ И ЈАПОНИЈА
РАСТ И КАЈ ДЕПОЗИТИТЕ И КАЈ КРЕДИТИТЕ - потрошувачките и станбените кредити најпримамливи, еве колку пораснале заштедите
СКИЈАЧИ, ЕВЕ КОЛКУ ЌЕ ВЕ ЧИНИ СКИЈАЊЕТО НА КОПАОНИК: „Скијалишта Србија“ ги објави деталните цени
БИТКОИНОТ СО НОВ РЕКОРД, РАСТАТ И БЕРЗИТЕ - и покрај тензиите во светот, инвеститорите не запираат
Која е дамата што шопингот го замени со купување 100 акции во НЛБ Банка и плати 80.000 евра во еден ден?
КОМПАНИЈАТА ТОНЕ ВО ПРОБЛЕМИ, НО НЕ И НЕЈЗИНИОТ МЕНАЏЕР: Фолксваген не може да се пофали со бизнисот, но може со плата на еден вработен
МИНИМАЛНА ПЛАТА ОД 600 ЕВРА ВО ФЕДЕРАЦИЈАТА БиХ: Што ќе значи тоа во пракса за работниците?
