ТОЛКУ ВРНЕ СНЕГ ШТО ЛУЃЕТО ОД КУЌИТЕ ИЗЛЕГУВААТ ПРЕКУ ПРОЗОРЦИТЕ - хаос во Норвешка, вака никогаш не било

Добивај вести на Viber

Невидена снежна бура ја покри Норвешка со снег, а во главниот град Осло предизвика невиден хаос во транспортот.

- Не завеа, ова е хаос. Температурите се минус 10, но тоа не е проблемот. Имаше толку многу снег што немаат време да го расчистат. Вака никогаш не било, минатата недела беше -25! Беше тотален колапс, луѓето се евакуирани од метрото, струјата снема во делови од градот - изјави за 24sata.hr една Хрватка која живее во Осло.

Таа вели дека едвај стигнала на работа и дека некои луѓе останале заглавени во нивните куќи бидејќи снегот им ги затрупал вратите па излегувале низ прозорците.

Сите автобуси во центарот на Осло се откажани, а останатиот дел од јавната транспортна мрежа на норвешкиот главен град е погоден од големи проблеми поради снежното невреме во средата.

Mega snow day in Oslo today.
Stay warm & safe.

Extreme weather days (sun, rain, wind, snow!) are incredible experiences that I enjoy! pic.twitter.com/vMzhdqfn0A

— Kunal Shah (@kunalashah) January 17, 2024

„Голем дел од јавниот превоз е зафатен од снежното невреме. Ова води до одложувања и откажувања на неколку линии. Ви препорачуваме да не патувате денес. Ако сепак треба да патувате, ве охрабруваме да планирате однапред и да го проверите планерот за патување“, напиша Ратер на својата веб-страница во средата.

Фирмата за јавен превоз ги откажа сите автобуски линии во центарот на Осло доцна во средата наутро и рече дека ќе врши континуирана проценка во текот на попладневните часови.

Пријавени се големи проблеми на автобуската станица Лисакер поради заглавено возило во снегот. Укинати се и сите автобуси во соседната општина Берум.

Во средата со големи проблеми се соочија и градските линии на трамвај и метро.

Аеродромот во Осло затворен

Главниот аеродром во Осло е затворен поради обилни снежни врнежи, соопшти авиокомпанијата „Авинор“, која стопанисува со аеродромот.

- Ова е исклучително ретко. Има толку многу снег што пилотите не можат да ги видат светлата на земјата и затоа ги прекинавме сите влезни и појдовни летови - изјави неименуваниот портпарол на „Авинора“.

Sigue el caos desde Oslo al sur de Noruega por la tormenta de nieve que ya va 50cms y se espera que pueda caer un metro, récord en temporada de invierno, la causa es por la baja presión que viene desde el mar del norte y el frío siberiano. pic.twitter.com/2lCSJiUY1l

— Enriques Norway (@EnriquesNorway) January 17, 2024