Томовски: Зградите на ФИНКИ и Факултетот за физичка култура ќе се доградат, но не во барок стил

Добивај вести на Viber

Директорот на Службата за општи и заеднички рабопти Ивица Томовски вечерва на ТВ Алфа рече дека при доградбата на двете згради во рамките на кампусот на Универзитетот „Св. Кирил и Методиј“ на електротехничкиот факултет и тој за физичка култура ќе се промени првичниот проект кој предвидува фасадата да биде во барок стил.

Томовски рече дека СОЗР на предлог на премиерот Христијан Мицкоски ќе ја превземе доградбата која во моментов е под надлежност на Министерството за образование.

- Ќе направиме измени во тој прокет. Она што јас го знам е дека во првичниот прокет фасадата треба да биде барок, но сега е модерно време и ќе добиеме пониска цена ако не правиме барок фасада. Со министерката за образование сложни сме дека не треба да биде барок, туку модерна, бидејќи барокот ќе биде многу поскап од класичната фасада, вели Томовски.

Тој додаде дека ќе се направат и измени во Законот за градба за да продолжи доградбата на двата факултети кои шест години не се градат и стојат во фаза на карабина.

Изградбата на двете згради во рамките на кампусот на Универзитетот „Св. Кирил и Методиј“ почнаа да се градат пред 9 години кога на власт беше ВМРО-ДПМНЕ. Според проектот, требаше да бидат во барок и во нив да се преселат студентите на овие два факултети. Но, по доаѓањето на власт на СДСМ, фирмата изведувач „Бетон Штип“ отиде во стечај и зградите останаа да стојат недоградени во фаза на карабина и веќе шест години на нив не се изведуваат никакви градежни активности.