АХМЕТИ ДО МАКЕДОНЦИТЕ: Некој треба да оди во Бугарија, друг во Албанија, но на кого ќе му ја оставиме оваа земја?

Добивај вести на Viber

Лидерот на ДУИ, Али Ахмети од Чашка упати скандалозна порака кон Македонците. 

Тој вели дека Македонците им кажуваат на тие што зборуваат албански да одат во Албанија.  Ахмети рече дека Македонците не треба да се грижат за албанскиот јазик и напредокот на Албанците, затоа што тие не се дојденци во земјата.

„Ако постапиме вака, ако некој оди во Бугарија, а друг во Албанија, на кого ќе ја оставиме оваа земја?“, вели Ахмети, пренесува БГНЕС. 

Според нивното толкување, Ахмети навестил дека Македонците зборуваат бугарски.

„Многу сум разочаран кога слушам дебати меѓу интелектуалци, аналитичари и публицисти, нашите сограѓани Македонци. Тие се многу загрижени поради фактот што Албанците го сменија својот политички статус во оваа земја и веќе не се станари во своите домови, туку станаа сопственици. Тие се загрижени зошто Албанците имаат свој јазик, зборуваат свој јазик, пишуваат свој јазик, имаат албански административци, полицајци, војници, односно се застапени во сите институции. Ги гледам како зборуваат како змии, како оваа земја да им припаѓа само на Македонците. Но, не е така, затоа што не е само нивна. Албанците не се од вчера во оваа земја. Не прашуваат зошто Албанците овде зборуваат албански, а Алжирците во Франција не зборуваат арапски, а 6-те милиони Турци во Германија не зборуваат турски, а велат: „Ако овие луѓе сакаат да зборуваат албански, нека одат во Албанија“. Вака некој треба да оди во Бугарија, а друг во Албанија, но на кого ќе му ја оставиме оваа земја“, праша Ахмети.