ТОНИ СТОЈАНОВСКИ ОД СТОПАНСКА БАНКА СКОПЈЕ УШТЕ ЧЕТИРИ ГОДИНИ НА ЧЕЛО - Берзата ги реизбра членовите на Бордот на директори

Добивај вести на Viber

Членовите на Одборот на директори на Берзата неодамна биле реизбрани, па тие уште четири години ќе ја вршат својата функција. 

На местото претседател на Бордот на директори на Берзта бил реизбран Тони Стојановски, инаку генерален директор за корпоративно банкарство во Стопанска банка Скопје, како и член на Управниот одбор на нашата најстара банка во земјава, а и една од најголемите и најуспешните банкарски институции. 

„Согласно член 166-б од Законот за хартии од вредност известуваме дека на 28.03.2024 година, Собранието на акционери на Берзата донесе Одлука за избор на членови на Одборот на директори на Македонска берза АД Скопје, по што се одржа и конститутивна седница на Одборот на директори. Согласно собраниската одлука за избор на членови на Одборот на директори на Берзата досегашните членови на Одборот продолжија да ја извршуваат оваа функција и во новиот мандат во времетраење од четири години. На конститутивната седница за Претседател на Одборот е реизбран г-дин Тони Стојановски.

Согласно наведеното Одборот на директори на Берзата е со следниот состав:

1. Тони Стојановски - претседател

2. Ивана Гажиќ

3. Нина Неданоска

4. Михајло Брова Зиков

5. Славчо Филипчев

6. Иван Штериев

7. Горан Анастасовски- независен член

8. Иван Мишев – независен член“, се вели во објавата од Берзта.