ТОП 10: Ова се најдобрите студентски градови во светот
Објавено во: Финансии 16 Февруари, 2017
Британската компанија „QS Quacquarelli Symonds“ ja претстави редовната годишна листа на најдобрите студентски градови во светот за 2017 година.
Од 2004 година компанијата ги рангира најдобрите универзитети, а од 2012 година - и најдобрите студентски градови.
Експертите анализирале 125 града, а проценката е врз основа на шест критериуми, меѓу кои популарноста на градот, пристапноста, рејтингот на локалните универзитети, интернационалноста на учениците, активноста на работодавците, како и мислењето на самите студенти.
Последниот индикатор ги одразува резултатите од истражувањето меѓу повеќе од 18 000 студенти.
На крајот се претставени Топ 100 најдобри градови за студентите, а во нив не спаѓа ниту еден град од Македонија и Бугарија, но за сметка на тоа има градови како Томск и Новосибирск во Русија, Истанбул и Анкара, Атина.
Видете кои градови се во Топ 10:
10. Ванкувер, Канада
9. Минхен, Германија
8. Бостон, САД
7. Токио, Јапонија
6. Берлин, Германија
5. Мелбурн, Австралија
4. Сеул, Јужна Кореја
3. Лондон, Велика Британија
2. Париз, Франција
1. Монтреал, Канада
За првпат откако се прави листата, Монтреал застанува на првото место.
Целата листа може да се најде на сајтот на компанијата.