(ГАЛЕРИЈА) ТРАДИЦИОНАЛНО ОБРАЌАЊЕ: Иванов жали што се притворени пратеници, критикува медуми, обвини за реваншизам

Добивај вести на Viber

Во тек е традиционалното годишно обраќање на шефот на државата во Собранието.

Оттаму претседателот Ѓорѓе Иванов упати низа критики за власта, но и за медиумите, изнесе низа критики за реваншизам и жалење за притворените пратеници и граѓани од 27 април.

Иванов рече дека е крајно време да се соочиме со вистината и креирањето на лажни вести во медиумите, на социјалните мрежи и интернет.

Се осврна и на потребата од борба против корупцијата и организиран криминал но и за реформите во судството.

Сепак тој дел од обраќањето посвети на и на последните приворање на дел од пратениците кои се гонат за инцидентите од 27 април кога толпа народ упадна во Собрание и нападна пратеници. 

Во однос на оваа тема Иванов рече дека секој кој постапил спротивно на Уставот и законот, треба соодветно да одговара, но и дека одмаздата води кон одмазда.

„Граѓаните имаат права на одбрана. За жал видовме граѓани од „Заедничка Македонија“ и пратеници кои беа апсени или обвинети за тероризам…Правдата завршува таму каде што реваншизмот започнува. Затоа постојано повикував на смирување на тензиите и на разумно однесување. Мора да ја вратиме културата на политички дијалог. Лидерите на власта и опозицијата треба да имаат нормална комуникација во интерес на граѓаните.  Во државата како политичка заедница сосема е нормлано да не се согласуваат сите, но не е нормално да се уништуваат поради тие различности“, потенцира Иванов.

Тој рече дека наредната година е можност НАТО да ја исправи неправдата од Букурешт.

ФОТО ФАКТОР