ТРАГЕДИЈА ВО ТУРЦИЈА - СЕ ПРЕВРТЕ АВТОБУС! Има повредени меѓу патниците, но и девет загинати
Објавено во: Свет 16 Јануари, 2024
Девет турски државјани загинаа, а 30 се повредени во страотното превртување на меѓуградски автобус на линијата Мармарис - Мардин.
Турците биле во познато летувалиште кое го посетуваат и многу наши граѓани, кога тргнале кон дома.
Меѓутоа, во близина на областа Ајдинчик во јужниот дел на земјата, возачот ненадејно излетал од патот, удрил во бариера и ја пробил заштитната ограда на патот.
Автобусот се превртел во грмушките покрај патот и паднал во канал. Несреќата се случила на излезот од тунелот Саријар на автопатот Д-400.
Mersin-Antalya yolu güzergahında, Aydıncık İlçemizin Yenikaş mah.sınırları içerinde Mersin istikametine doğru 40 yolcu, 3 mürettebatla seyir halinde Sarıyar tüneli çıkışı kazada 9 kişi hayatını kaybederken 30 yaralı Allah dan rahmet yaralılara şifa@KocakoyAk @Akparti pic.twitter.com/SbZBwyNUGV
— Hilmi Kaya (@HilmiKa76107205) January 16, 2024
Повредените со брза помош биле пренесени во болница.
Гувернерот на Мерсин Али Хамза Пехливан издаде писмено соопштение во кое откри дека несреќата се случила на приближно 170 километри од центарот на градот околу 01:15 часот.
„Изразувам сочувство до семејствата на загинатите и на повредените им посакувам брзо закрепнување“, рече тој.
Според турските медиуми, возачот немал алкохол во себе и најверојатно заспал зад воланот, бидејќи несреќата се случила среде ноќ и на слабо осветлен пат.
Фото: Принтскрин/Твитер