Ципрас: Грција не сака конфликт туку време да здивне!
Објавено во: Балкан 31 Јануари, 2015
Новиот премиер на Грција Алексис Ципрас денеска се обидел да ги смири тензиите со меѓународните кредитори, велејќи дека неговата левичарска влада не бара конфликт туку само и е потребно „време да здивне“.
„Ниедна страна на бара конфликт, а нашата намера никогаш не била еднострано да дејствувам по прашањето на грчкиот долг. Нашиот заеднички интерес е економска стабилност и обнова на економијата во нашата заедничка куќа, Европа“, рекол Ципрас во соопштение објавено на англиски јазик.
Ципрас инсистира на одлуката на неговата влада да ги заврши болните реформи воведени на Грција во замена за кредитите на ЕЦБ, ЕУ и ММФ, не значи дека нема да се придржува до своите обврски.
„Моја обврска е да го почитувам мандатот на грчкиот народ, со завршување на политиките на штедење и враќање на агендата на раст, ни на кој начин не значи дека нема да ги исполниме нашите обврски кон Европската централна банка или ММФ, кога се работи за кредит“, истакнал Ципрас.
„Напротив тоа значи дека ни е потребно време да здивнеме и да создадеме сопствена програма на опоравување“, додал тој.
Ципрас рекол и дека советувањето со европските партнери само што започнало и дека, покрај фактот дека постојат разлики во перспективата, апсолутно е уверен дека наскоро ќе биде постигнат договор кој ќе им донесе бенефиции и на Грција и на Европа во целина.