Добивај вести на Viber
Европската Унија се договори со Турција - Турција ќе почнува разговори за безвизен режим на своите граѓани, но ќе се согласи да ги прима назад илегалните имигранти кои влегле во Европа преку нејзина територија. Договорот за реадмисија беше потпишан денеска во Анкара, односно откако ЕУ ги продолжи разговорите за членство со Турција, кои беа суспендирани на три години.
На церемонијата министерот за надворешни работи на Турција, Ахмет Давутоглу и еврокомесарката за внатрешни работи Сесилија Малмсторм потпишаа и договор за започнување дијалог за визна либерализација при влез на турските граѓани во европските земји.
На средбата присутен беше и турскиот премиер Реџеп Тајип Ердоган.Преговорите за договорот за реадмисија со години беа во застој, главно поради условување од страна на Турција со укинување на визниот режим.
Потиишувањето на двата договори доаѓа неколку недели по возобновувањето на преговорите за членство на Турција во ЕУ. Поради несогласувањата околу Кипар,но и поради резервите на Германија и Франција, преговорите за Турција за влез во ЕУ кои почнаа во 2005 година, беа речиси запрени.