ТВ Алфа најде замена за Васко Ефтов
Објавено во: Македонија 09 Август, 2019
Васко Ефтов не е
повеќе директор на националната ТВ Алфа. На негово место доаѓа познатиот режисер и
продуцент Јани Бојаџи.
Преку соопштение до јавноста телевизијата му се заблагодари на досегашната соработка на Ефтов, кој во својот едногодишен менаџерски мандат, според нив бил целосно вложен и ангажиран за стабилизација и развој на телевизијата.
„Менаџментот на АЛФА СКОП донесе одлука за нов управител да биде именуван Јани Бојаџи, познат македонски режисер и продуцент, за кој се надеваме дека со својот квалитет и професионално искуство ќе постигне големи успеси и натамошен развој на телевизијата“, стои во соопштението на телевизијата за јавноста.
Инаку, режисерот Јани Бојаџи е автор на филмот „Ругање по Христос“, филм кој според Министерството за култура беше скандалозен.