ТВРДАТ ДЕКА БИЛЕ СО ВРЗАНИ РАЦЕ И OЧИ: Палестинците велат дека нашле над 30 егзекутирани тела
Објавено во: Свет 31 Јануари, 2024
Палестинците тврдат дека нашле над 30 егзекутирани тела.
Палестинското Министерство за надворешни работи денеска повика меѓународен тим да ги истражи извештаите, повикувајќи се на сведоштвата на Палестинците кои велат дека пронашле повеќе од 30 тела во фаза на распаѓање.
„Тие беа убиени со врзани очи и со врзани раце, како јасен доказ дека се егзекутирани“, соопштија од Министерството.
Според нив, ова е масовна гробница. Израел засега не ги коментира овие тврдења.
Досега над 26.000 Палестинци загинаа во Газа. Палестинската терористичка група Хамас на 7 октомври лани почна со напади на Израел. Палестинците бараат формирање на независна држава Палестина со главен град Ерусалим, но и ослободување на палестинските затвореници. Израел сака да ја уништи групата Хамас.