УАПСЕН Е МАЛОЛЕТНИК: Испратил 380 лажни закани за бомба во Франција
Објавено во: Свет 18 Јануари, 2024
Тринаесетгодишно момче испратило 380 лажни закани за бомба во Франција.
Службите во западниот оддел Мен-ет-Лоара уапсија 13-годишник осомничен дека испратил најмалку 380 лажни закани за бомби низ целата земја, објави весникот „Паризиен“, повикувајќи се на полициски и судски извори.
Весникот пишува дека француските власти почнале 192 истраги за лажни закани со бомби до вторник, 16 јануари, од кои 30 резултирале со правна постапка.
Француското Министерство за правда објави дека предмет на истраги често се малолетници или млади луѓе. Дополнително, „огромното мнозинство“ од идентификуваните и приведените не кажуваат каква е поврзаност помеѓу нивните дејствија и „терористичките напади или меѓународната ситуација“ на Блискиот Исток.
Неколку дена по ред аеродромите ширум земјата добиваа закани за бомби.
Дојавите се случија по смртоносниот напад во училиште во градот Арас, каде руски државјанин уби професор. Откако почна војната меѓу Хамас и Израел, имаше и повици за терористички напади врз израелски цели и нејзините сојузници.