Ученик во село Подареш позитивен на коронавирусот
Објавено во: Македонија, Корона Вирус 07 Октомври, 2020
Ученик во село Подареш, Општина Радовиш е позитивен на коронавирусот.
Второодделенец е позитивен на Ковид - 19, а соучениците одат во изолација.
Седумгодишен ученик од второ одделение од основното училиште „Коста Рацин“ во радовишкото село Подареш е позитивен на ковид-19. Десетина деца од неговата паралелка ќе бидат ставени во изолација, објави Сител.
Директорката на Центарот за јавно здравје во Штип, Марија Димитрова ја потврди информацијата.
Во земјава веќе има неколку наставници кои се позитивни на коронавирусот.