УКРАДЕНИ СПОМЕН ОБЕЛЕЖЈАТА ОД ГРОБОТ НА КРУМЕ КЕПЕСКИ: Неговата ќерка вели направена е огромна штета

Гробиштата на таков начин го деградираат уметничкиот изглед на духовното светилиште на градот кога во светот се води особена грижа.

Како што со деструкцијата која се врши над спомениците на културата на гробиштата, каде беа поместени уметничките дела и обележја, истовремено, се нарушува општиот впечаток и углед на Македонија. Се газат и авторските права на уметниците покрај финансиските штети.

Врз основа на веќе широко обавената јавна критика во јавноста, покрената е иницијатива со која се бараат одлучни постапки на претставниците на власта за да се спречи ваквото крајно штетно однесување. Се претпоставува заедничко институционално дејствување на министерствата за култура и туризам, за правда, за внатрешни работи, како и на здруженијата, особено од ликовната сфера, на оштетените граѓани и на јавноста, воопшто, но и на гробиштата, за справување со ситуацијата и е предложено пред највисоките органи:

- Промена на кривичниот закон со цел високо да се санкционираат, со големи казни, сите учесници во извршувањето на кражбите на уметничките дела и засилена одговорност на задолжените нституции за контрола; и

- Донесување закон за забрана на откуп на метали.

Она, што особено се очекува е од гробиштата „Бутел“ е:

- Да обезбеди модерна и од безбедностен аспект заштита на гробиштата;

- Тоа подразбира обезбедување на сериозни заштитни мерки околу некрополата; заштитни огради и камери на секој агол;

- Одговорност на менаџерските тимови кои се грижат за некрополата.

Иницијативата е широко подржана од јавноста од Здружението на архитекти на Македонија, Факултетот за архитектура на Американскиот универзитет, Здружението на ликовните уметници на Македонија и други.

Врз основа на иницијативата покренати се соответни активности од Владата и соответните министерства.

Претстои активност пред Собранието на градот Скопје.

Гробиштата „Бутел“ АД Скопје се повикани да го преземат својот дел од одговорноста како би се надминале ова злодело и цивилизациски срам.

Проф. д-р Јованка Кепеска“, напиша таа.