(ВИДЕО) УКРАИНА СОБОРИЛА ДВА РУСКИ АВИОНА НАД АЗОВСКОТО МОРЕ: Залужни се заблагодари за совршено испланираната операција
Објавено во: Свет 15 Јануари, 2024
Украина тврди дека соборила два руски авиони над Азовското Море.
Иако Кремљ вели дека нема информации, повеќе украински извори на Телеграм тврдат дека руските извидувачки авионите А-5о и Иљушин 22 М се соборени над Азовското Море.
„Ова е одмазда за Дњепар! Горете во пеколот, нелуѓе! P.S. Засега нема детали“, напиша на Телеграм командантот на украинските воздухопловни сили Микола Олешчук, пренесува „Украинска правда“.
Врховниот командант на украинските вооружени сили, генерал Валериј Залужни, го потврди соборувањето на двата руски авиони.
„Благодарен сум на воздухопловните сили за совршено испланираната и извршена операција во областа на Азовското Море“, рече Залужни, чии зборови на социјалната мрежа Икс ги пренесе Антон Герашченко, советник на украинскиот министер за внатрешни работи.
Руската инвазија на Украина почна пред скоро две години, односно на 24 февруари 2022 година.фото: икс/принтскрин
⚡️The Commander-in-Chief of the Armed Forces of Ukraine Valerii Zaluzhnyi confirmed the information about the destruction of a Russian A-50 aircraft and an IL-22 air control center:
— Anton Gerashchenko (@Gerashchenko_en) January 15, 2024
"The Ukrainian Air Force destroyed an enemy A-50 long-range radar detection aircraft and an enemy… https://t.co/A5eJ462ZDG pic.twitter.com/KQaqhsWRFJ