Унгарија не го дава Груевски
Објавено во: Македонија 21 Ноември, 2018
Унгарската влада ја исклучува можноста за екстрадиција на поранешниот македонски премиер Никола Груевски во Македонија. Ова беше објавено денеска од страна на унгарскиот министер за правда, Ласло Трочани, пренесуваат бугарските медиуми, цитирајќи го ТАСС.
-Тој не може да биде испратен во земја во која му прават политички прогон, рекол Трочани пред унгарска телевизија.
Унгарската служба за имиграција и азил вчера му удоволи на барањето на поранешниот премиер на Република Македонија Никола Груевски да му биде доделен азил.
Груевски избега во Унгарија на 13 ноември откако македонското правосудство издаде потерница за негово апсење, за да издржиказна од две години затвор изречена во октомври за злоупотреба на влијание за купување на луксузен мерцедес вредност 600 илјади евра.
Фото: EPA