УНИБанка има одличен старт на годината! Добивката е зголемена за 69 отсто
Објавено во: Финансии 30 Април, 2025 09:13
Банката во првите три месеци го држи своето пазарно учество во силната конкуренција на средни банки. Расте благо кредитирањето и нивото на депозити, а клучата разлика со зголемената добивка е резултат на снижената вредност на резервациите во споредба со истиот период лани
УНИБанка има одличен прв квартал годинава во кој благодарение на намалените резервции успеала да ја зголеми добивката за 69 отсто, потврдуваат податоците од неревидираниот Биланс на успех достапен на веб страницата на Македонската берза.
Податоците што ги објави оваа банка покажуваат дека во услови кога приходите, генерално, се приближно идентични на ланските, банката успеала значајно да ја зголеми својата добивка. И тоа на на начин што се преполовени средствата резервирани за ризични кредити. Тоа придонело банката за првиот квартал да прокнижи добивка од 2,35 милиони евра што е за еден милион евра односно за 69 отсто подобар резултат од првиот квартал претходната година.
Нето приходите од камати за првите три месеци годинава изнесуваат 4,88 милиони евра и се на приближно исто ниво како и лани. Кај нето приходите од провизии и надоместоци има благо намалување и тие за првите три месеци изнесуваат 0,94 милиони евра.
Значаен раст банката има кај останатите приходи. Тие за трите месеци достигнале 0,64 милиони евра и се за 2,2 пати повисоки во споредба со истиот период претходната година. Од нето курсни разлики банката инкасирала 0,2 милиони евра.
За резервации во првиот квартал банката издвоила 1,13 милиони евра што е на половина од износот за оваа ставка годинава. И тука се прави клучната разлика во добивката за годинава во споредба со лани.
Од билансот на состојба е видно дека банката ја држи солидно својата пазарна позиција во сегментот на банки од средна големина каде е и најголема конкуренцијата на македонскиот банкарски пазар. Имено, нивото на кредити на крај на март годинава е 313 милиони евра и има благо зголемување во споредбра со крајот на 2024 година. Овој тренд важи и за вложувањата во државни хартии од вредност во кои се вложени над 50 милиони евра. Истата тенденција е присутна и кај депозитите кои се на ниво од 350,7 милиони евра.
Р.Ф.
* Македонска берза и оваа година во соработка со Фактор доделува повеќе награди во различни категории за „Акција на годината“ при тргувањето со хартии од вредност.
Еден од критериумите за доделување на признанијата ќе биде и мислењето на јавноста. Гласањето ќе се одвива до 12 декември, а предвиден термин за доделувањето на самите награди е 23 декември.
Од таму, може да гласате за едно од следните котирани друштва:
Можеби ќе ве интересира
„КОЛКУ ПАПАЈА МОЖЕ ДА КУПИ ВЛАДАТА ОД НОВА ГОДИНА ДО БОЖИЌ КОРИСТЕЈЌИ ГИ САМО ТИЕ ПРИХОДИ?“ Анализа на потрошувачката на гориво по пробниот старт на „Сејф сити“
„ЧЕКАМ ОДЛУКА И МОЛАМ БОГА ДА ПОМИНАМ СО КАЗНА, ДА НЕ МЕ ВРАТАТ НАЗАД“: Балканец во Германија за 50 евра - косење трева на црно, бил пријавен од човекот каде што работел, сам го викнал па го пријавил!
ИМА ЛИ КАНДИДАТ КОЈ БИ ПРАВЕЛ ЕКОНОМСКИ ПРЕСМЕТКИ ЗА ФИСКАЛНИОТ СОВЕТ – платата е вртоглава, а работното време вообичаено
„Од почетокот на годинава наплативме приходи од 1,95 милијарди евра“: Николовски објави дека бележат раст во сите сектори
РОДИМЕ МАЈКО СО КСМЕТ И ВРАБОТИМЕ ВО АГЕНЦИЈА – „регулираат“ железнички сектор и имаат вртоглави плати
СТАН ВО НЕА ПОТИДЕЈА - ХАЛКИДИКИ ЗА 49 ИЛЈАДИ ЕВРА! Има поглед на море и големина од 60 метри квадратни
Експерт од Microsoft се сели во Apple – Ова е новиот раководител на вештачката интелигенција
Фриленсери, издавачи на станови преку платформи, добивка од криптовалути - секој прилив од странство мора да се пријави
АКО СИТЕ ДЕНЕС НАПРАВАТ ПРЕКРШОК ОД 45 ЕВРА, ЗА 65 ИЛЈАДИ ВОЗИЛА, МВР ЌЕ ИНКАСИРА БЛИЗУ 3 МИЛИОНИ ЕВРА: Еве што вели пресметката
